Ingredienti

3 panoce
fasoi (freschi o scatola a seconda dela furia!)
3 patate
1 picia zivola
1 pomodoro
1 gambo de sedano
luganighe de cragno o un toco de crudo o museto fresco
1 dado
2 spighi de aio
farina
oio de oliva
pevere
sal
oio de oliva crudo

Preparazione:


Sgranar le panoce e metterle in atomica con i fasoi passai,le patate intiere, el sedano, la zivola, el pomodoro, le luganighe, acqua a livel, el dado, un fià de sal, un fià de pevere, una s'cianta de oio de oliva crudo. Serar la tomica e co inizia a fis'ciar sbassar e lassar cusinar 40 minuti circa.
Una volta finido, verzer e continuar a cusinar a fogo basso. Mastruzar le patate con un piron, rimetterle in atomica e tirar fora la zivola, el pomodoro e el sedano.
In una padela a parte disfrizer due spighi de aio in oio de oliva (a chi ghe piasi, facoltativo se pol metter prezemolo) aggiungendoghe, appena biondi, due cuciari de farina (disfrito povero istrian). Continuar a cusinar per un pochi de minuti, aggiustar de sal e pevere, lasar sfredir per no sbrovarse la lingua e servir..!